Publikohen emrat e spiunëve të ish-UDB-së

Katër shqiptarë janë zbuluar nga Komisioni për Lustrim si spiunë të ish-UDB-së, Faredin Miftari, Sejfedin Haruni, Shaban shehu dhe Mahi Nesimi. Komisioni për lustrim në Maqedoni sërish është bërë objekt debati, pas publikimit në faqen zyrtare emrat dhe dosjet e disa personave që kanë qenë bashkëpunëtorë të ish-Shërbimit Informativ Jugosllav (UDB). Në mesin e emrave […]

Katër shqiptarë janë zbuluar nga Komisioni për Lustrim si spiunë të ish-UDB-së, Faredin Miftari, Sejfedin Haruni, Shaban shehu dhe Mahi Nesimi.

Komisioni për lustrim në Maqedoni sërish është bërë objekt debati, pas publikimit në faqen zyrtare emrat dhe dosjet e disa personave që kanë qenë bashkëpunëtorë të ish-Shërbimit Informativ Jugosllav (UDB). Në mesin e emrave të publikuar janë identifikuar edhe emrat e katër shqiptarëve.

Ky komision publikoi emrat e 11 personave, ish-spiunë që aktualisht kanë poste të rëndësishme në pushtetin e Maqedonisë.

Siç raportoi agjencia INA ish spinë ishin: Sllobodan Ugrinovski, Zoran Jovanovski (anëtar i këshillit komunal në Rosoman), Vlladimir Millçin (regjisor dhe kryetar i Institutit Shoqëri e Hapur – Soros), Faredin Miftari (Drejtor i burgut), Sejfedin Haruni (ish-deputet dhe kryetar i PPD-së), Jordanço Jevrevski (dekan i Fakultetit të Arteve dramatike), Nikolçe Babovski (kandidat për deputet), Vangel Gagaçev (ish-gjykatës), Kosta Ballabanov, Shaban Shehu dhe Mahi Nesimi.

Në faqet e këtij komisioni janë shpallur edhe dokumentet dhe dosjet plotësuese të gjithë këtyre personave. Ndërkaq, siç thuhet Komisioni për Lustrimin në të ardhmen do të publikojë emrat e të gjithë bashkëpunëtorëve të ish-UDB-së.