Sllovakia njeh pasaportën e Kosovës

Qeveria sllovake ka marrë vendim që nga 17 korrik 2012, të njohë pasaportat e qytetarëve të Kosovës, por jo edhe ato diplomatike

Qeveria e Sllovakisë i njeh pasaportat e Kosovës prej datës 17 korrik 2012. Viza sllovake do të vendoset në pasaportat kosovare dhe gjithashtu pranohen edhe vizat Schengen të shteteve tjera evropiane, shkruan Kosova Times duke iu referuar burimeve ndërkombëtare. Sipas mediumit në fjalë, “Qeveria sllovake ka marrë vendim që nga 17 korrik 2012, të njohë pasaportat e qytetarëve të Kosovës, por jo edhe ato diplomatike”.Autoritetet sllovake do të vendosin vizat në pasaportat kosovare e jo në letra përcjellëse.Sllovakia po ashtu pranon që kosovarët të cilët kanë viza Schengen të lëshuara nga shtete tjera të BE-së, të udhëtojnë me to edhe nëpër Sllovaki.Ky shtet i Evropës qendrore është një nga pesë shtetet e Bashkimit Evropian që nuk e njohin Republikën e Kosovës.