Pilotët ‘mposhtin’ stuhinë Emma

Evropa është kapluar nga temperaturat e ulëta, reshjet e dëborës, dhe stuhitë e ndryshme.

“Bisha nga Lindja”, e bashkuar me stuhinë Emma, ka shkaktuar motin më të keq në Britaninë e Madhe në vitet e fundit, përcjell albinfo.ch.

Për të përballuar erërat e forta të stuhisë, padyshim që duhen pilotë profesionistë.

Një video e filmuar në aeroportin e Mançesterit tregon uljet e vështira të dy aeroplanëve në mes të stuhisë Emma ditën e enjte.

Pavarësisht lëkundjeve të njëpasnjëshme, pilotët ruajnë qetësinë dhe arrijnë t’i mposhtin erërat.

Shumë fluturime janë anuluar, pikërisht për shkak të erërave dhe reshjeve të dëborës, derisa kishte vështirësi edhe në komunikacionin rrugor dhe atë hekurudhor.