Qeveria e Kosovës kundërshton Martin

"Ky raport është në vazhdën e atyre që janë publikuar në 12 vitet e fundit dhe që kanë pasur për qëllim njollosjen e luftës së UÇK-së"

Qeveria e Kosovës ka reaguar lidhur me ato që ajo i quan shpifje, të raportuesit të Këshilli të Evropës, Dick Marti. Sipas saj “ky raport është në vazhdën e atyre që janë publikuar në 12 vitet e fundit dhe që kanë pasur për qëllim njollosjen e luftës së UÇK-së dhe të udhëheqësve të saj.

Qeveria e Republikës së Kosovës dhe Kryeministri Hashim Thaçi do të ndërmarrin të gjithë hapat dhe veprimet e nevojshme për të kundërshtuar shpifjet e Dik Martit, duke përfshirë edhe rrugët ligjore dhe politike”, thuhet veç tjerash në reagimin e Qeverisë në dorëheqje të Kosovës.