Lajme

BE e kënaqur me zgjedhjet në Kosovë

E martë, 14 Dhjetor 2010 - 7:03 albinfo.ch

Bashkimi Evropian është i kënaqur me mënyrën e zhvillimit të zgjedhjeve në Kosovë. BE-ja bëri thirrje për krijimin e shpejtë të qeverisë së re.

“Ne urojmë popullin e Kosovës për zgjedhjet e 12 dhjetorit, qetësinë dhe rregullin të cilat shoqëruan pjesën më të madhe të votimeve”, tha shefja e diplomacisë evropiane, Catherine Ashton dhe eurokomisioneri për zgjerimin, Stefan Fule.

“Tani është me rëndësi të krijohet qeveria, të zgjidhet presidenti”, tha Ashton dhe Fule. “Na pret shumë punë që Kosova të ecë përpara drejt BE-së”, theksuan ata, sipas Evropës së Lirë.