Alexa së shpejti kontrollon edhe mikrovalën dhe furrën

Nëse dëshironi të keni një mikrovalë ose furrë të mençur, së shpejti do të mund ta kontrolloni këtë përmes Alexas.

Amazoni ka njoftuar se po shton kontrollimin e mikrovalës dhe furrës përmes asistentit të vet digjital, duke mundësuar kontrollim vetëm përmes fjalimit.

“Alexa, lësho mikrovalën për 50 sekonda në nivelin më të ngrohtë”, dhe ky sistem do të nisë veprimin e menjëhershëm.

Amazon ka thënë se përkrahja për pajisjet tjera në kuzhinë do të shtohet së shpejti, transmeton Albinfo.ch.

Whirlpool pritet të jetë mikrovala e parë që do të lansohet me veçorinë e re të Alexas.

GE Appliances, LG, Samsungu dhe Kenmore po planifikojnë të shtojnë përkrahjen e asistentit digjital te furrat dhe te pajisjet tjera të kuzhinës në një të ardhme të afërt.