“Dita e zezë”, rënia e kriptovalutave

Thuajse të gjitha kriptovalutat kanë pësuar përsëri rënie ditën e diel, duke e përfunduar në performancë negative javën më të keqe në historik.

Sipas të dhënave të “Coindesk”, Bitcoin ra përsëri poshtë 13 mijë dollarëve, duke prekur 12,524 dollarë.

Megjithatë, ndryshe nga tronditja e këtij tregu ditën e premte, ku tërheqja nuk ishte e sinkronizuar, thuajse të gjithë kriptovalutat kanë pësuar rënie të dielën.

Ethereum preku 614 dollarë, nga thuajse 900 dollarë që arriti një javë më parë, që ishte edhe niveli më i lartë të të gjitha kohërave. Ripple, Dash, Litecoin dhe monedha të tjera, patën rënie sipër 10%-shit, shkruan ‘Scan’.

Bitcoin shtoi 10% në $15,530 ditën e shtunë, ndërsa rivalë të tjerë si Bitcoin cash dhe Litecoin, patën rritje me 21% dhe 12% në mënyrë respektive, përcjell albinfo.ch.

Rimëkëmbja ditën e shtunë përkoi me ndalimin e lajmeve negative që kanë qenë të shumta që prej ditës së hënë.