Gara ndërkombëtare për Mis Bota në karrocë

Garueset në karroca kanë qenë në qendër të vëmendjes në spektaklin e Mis Botës në karrocë, i cili është mbajtur në Varshavë të Polonisë, përcjell albinfo.ch.

Kjo ngjarje është organizuar për të ngritur vetëdijen dhe për t’i thyer barrierat për personat me aftësi të kufizuara.

Mbrëmja i ka takuar studentes së psikologjisë nga Bjellorusia, Aleksandra Chichikova, e cila ka fituar vendin e parë në këtë garë. “Kjo do të ndryshojë shumë gjëra”, thotë spektatori nga Afrika e Jugut, Lebohang Monyatsi.

Në mbrëmjen gala, pjesëmarrëset kanë prezantuar veshjet e tyre kombëtare, veshje të mbrëmjes e po ashtu kanë elaboruar edhe rutina vallëzimi. Gara e këtij lloji në shkallë botërore ka mbledhur gjithsej 24 pjesëmarrëse nga 19 vende të ndryshme.