Kina dërgon dy panda gjigante në Indonezi

Foto Facebook

Indonezia ka pranuar dy panda gjigante nga Kina, në një veprim që të dy vendet thonë se do të nxisë më tej miqësinë dhe bashkëpunimin. Pandat u transportuan me fluturim komercial. Ato do të qëndrojnë në Indonezi, në periferi të kryeqytetit Jakarta, për 10 vjet.

Indonezia është vendi i 16-të që merr panda gjigante nga Kina. Ministri i Mjedisit dhe Pyjeve i Indonezisë tha se Kina i beson shtetit të tij në ruajtjen e këtyre pandave.

Pandat shtatëvjeçare u transferuan në shtëpinë e tyre të re, menjëherë pas mbërritjes. Ato pritet të dalin në shfaqje publike në fund të tetorit ose në fillim të nëntorit.