Dollari nga 130 lekë në 110

Tani një dollar është 110 lekë, kurse gjatë këtij viti në Shqipëri është konvertuar në 130

Dollari amerikan ka shumë kohët e fundit, madje nëse konvertohet në lekë, është më i dobëti, që nga tetori i vitit 2014.

Sipas kursit zyrtar të këmbimit të publikuar nga Banka e Shqipërisë, një dollar është këmbyer me 110.67 lekë, me një rënie prej 0.69 lekë në raport me ditën e mëparshme.

Më herët dollari këmbehej me 130 në këtë vit. Rënia e dollarit i bën importet e produkteve që blihen me këtë monedhë më të lirë. Kursimi është veçanërisht i lartë për naftën, që blihet me dollarë dhe ku tregtuesit mund të amortizojnë rritjen e çmimeve në bursa përmes zhvlerësimit të monedhës së gjelbër, shkruan ‘monitor’.

Sipas Bankës së Shqipërisë, rreth 20% e importeve blihen në dollarë. Edhe për blerjet online ka më shumë leverdi të kryhen në  dollarë, apo dhe gjithë tregtarët që punojnë me Turqinë për blerjen e veshjeve e mallrave të ndryshme, përcjell albinfo.ch.

Ndërkohë, euro vazhdon të forcohet dhe tani një euro është 133.29 lekë.