Lenjani rikthehet, por pëson 7:0!

Ndeshja e fundit e Lenjanit ishte më 28 gusht, derisa u mposhtën 7:0 nga Monaco në Kupën e Ligës në Francë

Mesfushori i Kombëtares shqiptare, Ermir Lenjani pas një kohe të gjatë është rikthyer në fushë për skuadrën e Rennes, shkruan albinfo.ch.

Ndeshja e tij e fundit ishte më 28 gusht, megjithatë, rikthimi i tij nuk ishte me fat për skuadrën e tij, derisa u ballafaquan me Monacon, në kuadër të Kupës së Ligës së Francës.

Ekipi i mesfushorit shqiptar pësoi 7:0 në çerekfinale të Kupës së Ligës përballë një kundërshtari që ka shënuar më shumë se çdo ekip tjetër në kampionatet kryesore të Evropës këtë edicion.

Ermir Lenjani qëndroi në fushë gjatë gjithë 90-minutëshit, i cili me shumë gjasa do të jetë i fundit për të me Rennes. 27-vjeçari pritet të largohet nga skuadra franceze në afatin kalimtar të dimrit.