Spanja shuan ëndrrën evropiane të Zvicrës

Përfaqësuesja zvicerane humbi nga ajo spanjolle me rezultat 0:2. U angazhuan të pesë lojtarët shqiptarë

　Në Kampionatin evropian në futboll për grupmoshat U21, i cili u mbajt në Danimarkë, në finale u takuan reprezentacioni i Zvicres dhe ai i Spanjës. Ndeshja u luajt në praninë e mbi 20 mijë shikuesve.

Në formacionin bazë në radhët e përfaqësueses zvicerane nga radhet e shqiptarëve u paraqitën Granit Xhaka, Xherdan Shaqiri dhe Admir Mehmedi. Në pjesën e dytë u aktivizua edhe Pajtim Kasami duke zëvendësuar Xhakën si dhe Abrashi që zëvdnësoi Frei.

Pjesa e parë kryesisht u zhvillua në mesin e fushës, me disa raste shënimi nga të dy përfaqësueset, deri në minutën e 41 ku spanjollët shënuan për të shkuar në pushim me një gol epërsi.

Në pjesën e dytë spanjollët ishin më tepër në zotërim të topit. Në anën tjetër vërehej një lodhje e lojtarëve zviceranë. Zviceranët krijuan disa raste shenimi , sidomos me anë të Shaqirit por pa sukses. Luhej minuta e 80, gjuajtje e lirë për spanjollët.

Portieri zviceran Sammer kishte dalë shumë para portës të cilën e vërejti futbollisti spanjoll i cili me një gjuajtje precize, e ashtuquajtur parabollë, befasoi portierin dhe ngriti rezultatin 2 me 0 për spanjollët. Me këtë gol edhe u shuan shpresat e zviceranëve për një rezultat të favorshëm.

　Marrë në përgjithësi, edhe vendi i dytë dhe medalja e argjent në evropian, për këtë formacion të Zvicrës është sukses i madh. Në këtë kampionat u paraqiten 5 futbollistë shqiptarë. (S.S.)