Shqiptarët e Zvicrës nuk agjërojnë

Kësaj radhe nuk ka kërkesa të veçanta. Secili prej myslimanëve pinë dhe hanë si zakonisht, edhe gjatë ditës. Kampionati Evropian është më i rëndësishëm

Në Përfaqësuesen e Zvicrës janë shtatë myslimanë: Xherdan Shaqiri, Granit Xhaka, Valon Behrami, Blerim Xhemaili, Admir Mehmedi, Haris Seferoviq dhe Shani Tarashaj

E përditshmja zvicerane “Blick” ka bërë një shkrim për muajin e Ramazanit, duke raportuar për myslimanët që janë në Përfaqësuesen zvicerane, përcjell albinfo.ch.

Në të gjithë botën vlerësohen se janë 1.57 miliardë myslimanë. Në Përfaqësuesen e Zvicrës janë shtatë: Xherdan Shaqiri, Granit Xhaka, Valon Behrami, Blerim Xhemaili, Admir Mehmedi, Haris Seferoviq dhe Shani Tarashaj.

Shaqiri dhe shokët e tij kanë një problem. Pasi nga 6 qershori deri më 5 korrik është muaji i Ramazanit. Nga lindja e diellit deri në muzg, pirja, ngrënia e bukës, pirja e duhanit dhe marrëdhëniet seksuale janë të ndaluara.

Futbollisti i Zurichut, Yassine Chikhaoui i cili luajti për Zvicrën nga 2007 deri më 2015, kishte ndjekur rregullat në mënyrë rigoroze gjatë muajit të Ramazanit.

Por, kësaj radhe nuk ka kërkesa të veçanta. Secili prej myslimanëve pinë dhe hanë si zakonisht, edhe gjatë ditës. Kampionati Evropian është më i rëndësishëm. Madje, “Blick” merr edhe një citat nga Kur’ani. “Ai që është i sëmurë ose në udhëtim ka arsye dhe këtë kohë mund ta kompensojë më vonë. Zoti do t’iu bëjë më të lehtë”.

Ish-futbollisti i Zurcihut, Amine Chermiti kishte thënë se Kur’ani është shkruar para se të linde sporti. Valon Behrami i pëlqen të pijë një gotë të mirë vere, me proshutë dhe sallam, ndoshta mendon në të njëjtën mënyrë.