Fillojnë përgatitjet për regjistrimin

Anëtarët e KKK-së shtruan kërkesën që në komisionet për regjistrim të jenë të përfaqësuara të gjitha komunitetet

Këshilli Konsultativ për Komunitet (KKK) ka diskutuar në lidhje me përgatitjet për regjistrimin e popullsisë, të ekonomive familjare dhe të banesave. Për përgatitje teknike, administrative dhe profesionale regjistrimit të popullsisë, të ekonomive familjare dhe të banesave, anëtarët e KKK-së në hollësi i informoi kryetari i Komisionit Qendror për Regjistrimin i Popullsisë, Rifat Blaku.

Lidhur me regjistrimin, i cili do të mbahet prej 1 deri më 15 prill 2011, anëtarët e KKK-së shtruan kërkesën që në komisionet për regjistrim të jenë të përfaqësuara të gjitha komunitetet.

“Ajo çka është me rëndësi të veçantë për pjesëtarët e komuniteteve në Kosovës, në zonat etnikisht të përziera, në komisionet e regjistrimit do të jenë të përfshirë edhe pjesëtarët e komuniteteve, si dhe pyetësorët janë të hartuar edhe në gjuhën e tyre. Kështu që janë marrë të gjitha masat e nevojshme që ky regjistrim të realizohet me sukses”, ka thënë Blaku.

Anëtarët e KKK-së u interesuan të dinë më shumë për mënyrën e regjistrimit për pjesëtarët e tyre, të cilët janë të zhvendosur jashtë Kosovës.

Blaku ka thënë se Komisioni Qendror për Regjistrimin e Popullsisë ka bërë të gjitha përgatitje e nevojshme dhe ky regjistrim do të paraqesë gjendjen reale të popullsisë, të ekonomive familjare dhe të banesave, që është edhe ndër kriteret e Komisionit Evropian për përmbushjen e kushteve të Kosovës në procesin e integrime evropiane.