Gjyshja njëqindvjeçare, rekord botëror në vrapim

Ida Keling, gjyshja njëqindvjeçare amerikane, ka arritur një rekord të ri në disiplinat sportive, vrapim në 100 metra për gratë 80-vjeçare dhe më të vjetra.

Keling në maratonën sportive amerikane “Penn Rele në West“ në Filadelfia vrapoi 100 metra në një minutë e 17 sekonda, përcjell albinfo.ch.

Ida nga viti 2011 mban rekordin për kategorinë 60 metra për gratë e moshës 95 deri 99 vjet.
Keling filloi të angazhohet në atletikë në vitin e 67-të të jetës, pas tragjedisë familjare, ku u vranë dy djemtë e saj, ka bërë të ditur vajza e saj, Shelley.

„Kjo ishte një kohë e errët. Ajo ishte shumë e mërzitur. Një ditë i thashë se unë do ta çoj të vrapojë dhe kaluam tri kilometra të gjatë. Kjo ishte fillimi i karrierës së saj në garat e vrapimit dhe një ilaç i madh për të, tha Shelley.

E pyetur për sekretin e jetëgjatësisë së saj, Ida përgjigjet: Nga dashuria për veten!

“Dashuria për veten. Hani ushqime të shëndetshme dhe ushtroni çdo ditë të paktën 10 ose 15 minuta, ka thënë ajo.

Ida Keling ka lindur në Harlem, në Nju-Jork, në vitin 1915.