Kosovari Avni Haxhaj, shofer i Mesit në Zvicër

Kjo është hera e parë që shoferi nga Suhareka do ta bart skuadrën e Barcelonës së bashku me Lionel Messin, nga aeroporti në hotel

Kosovari i cili jeton në Zvicër, Avni Haxhaj duket të jetë me fat. Ai kishte sot privilegjin që të bartë me autobus skuadrën e Barcelonës së bashku me Lionel Mesin, nga aeroporti i Cyrihut deri në hotel. Lojtarët më të mirë të botës sot gjenden në Cyrih të Zvicrës ku do të shpërblehet me topin e artë lojtari më i mirë i botës për vitin 2015.

Messi, Ronaldo dhe Neymar janë kandidatët për ta fituar “Topin e Artë” për vitin 2015 dhe lojtarët tashmë gjenden në Zurich, ndërsa lojtari favorit për të fituar për të pestën herë titullin e më të mirit në botë është argjentinasi, Leonel Mesi.

Haxhaj, i cili jeton prej 16 vitesh në Zvicër dhe është vozitës i klubit të futbollit FC Zurich, i ka thënë Gazetës Express se edhe më parë ka bartur me autobus lojtarë të ndryshëm të klubeve të famshme evropiane. Por, kjo është hera e parë që do ta bart skuadrën e Barcelonës së bashku me Lionel Messin, nga aeroporti në hotel.

“Jam shumë i emocionuar për këtë. Messi për një moment do të jetë në autobusin tim. Do ta vozis atë nga aeroporti deri në hotelin ‘Hayat’ ku do të qëndrojnë deri pak para ceremonisë së Topit të Artë”, ka thënë Haxhaj për Express.

Kosovari nga Suhareka i cili është shofer i klubit Fc “Zurich” ka thënë se edhe më herët ka bartur lojtarë të ndryshëm të klubeve të famshme evropiane, port ë vozitësh klubin më të mirë aktual në botë, siç është Barcelona është një dëshirë e veçantë e tij.

Sonte përpos shpërblimeve për lojtarët më të mirë, do të zgjidhet edhe trajneri më i mirë, me ç`rast pritet që këtë çmim ta fitojë trajneri i Barcelonës, Luis Enrique, ndërsa po ashtu do të zgjidhet edhe goli më i mirë si dhe futbollistja më e mirë për vitin 2015.