Refugjati nga barka e përmbytur fiton 400 mijë euro në loto

Në mesin e fituesve të shumtë të lotarisë së njohur spanjolle të krishtlindjeve «El Gordo», të shpallur dy ditë më parë ka pasur fatin të jetë edhe një ish refugjat i ardhur me barkë nga Senegali në Spanjë.
Senegalezi 35 vjeçar ka fituar nga lotaria plot 400 mijë euro ndërsa biletën e lojës e kishte paguar vetëm 20 euro.
Fituesi fatlum kishte arritur në Evropë (Spanjë) pra nëntë vitesh dhe aktualisht ishte i papunë.Ngame, si quhet ai, kishte ardhur me një barkë e cila me 65 udhëtarët ishte përmbytur afër ishullit spanjoll Tenerifa. Atë dhe gruan e tij e kishin shpëtuar spanjollët bamirës.
Lotaria «El Gordo», (I trashi) është lotari tradicionale shtetërore që luhet vetëm në Spanjë. Ajo është karakteristike se luhet shumë në grupe, me ç`rast, shoqëri apo fshatra ose lagje të tëra e ndajnë fitimin bashkë.