Zvicër: Një adoleshenti tjetër i merret leja, voziti 157 km/orë në një zonë 80

@pixabay

Pas historisë të një adoleshenti që humbi patentën vetëm disa orë pasi kaloi testin e tij – një tjetër adoleshent nuk do të jetë në rrugë për një kohë pasi u kap me 157 km/orë në një zonë 80 – këtë herë në një McLaren që ai kishte marrë me qira.

Policia në Villmergen në Aargau i mori atij patentën në vend, shkruajnë mediat zvicerane, përcjell albinfo.ch.

Për shkak të shpejtësisë së tepërt, çështja e adoleshentit është dërguar drejtpërdrejt në prokurorinë kantonale.