Zbulohet pensionisti i prerë në fyt

Të martën në mëngjes, një spanjoll 78-vjeçar është gjetur i vdekur në banesën e tij. Fqinjët nuk e kuptojnë se çfarë ka ndodhur.

Sipas të dhënave të para, viktima kishte një prerje të madhe në fyt, njoftoi për media sot policia e Gjenevës. Hetimet tashmë janë hapur dhe dosja do të shqyrtohet nga njësiti për kriminalitet.

Në lagje, askush nuk di se çfarë ka ndodhur. Qytetarët e rrethinës tregojnë se plaku i ndjerë ishte një pensionist i thjeshtë dhe i qetë, i cili pinte kafenë çdo të diel në mëngjes në një restorant, por këtë herë ai nuk kishte ardhur. Kjo mungesë kishte zgjuar merakun e shokut të tij. Më në fund, të martën, trupi i tij i pajetë është gjetur nga policia.

Kjo është vrasja e dytë këtë vit që po ndodh në Gjenevë.