Vetëm 40% e nënave ushqejnë fëmijët me gji

Në Prishtinë është hapur foto-ekspozita e autorit Arben Llapashtica, e cila kishte për qëllim promovimin e të ushqyerit me qumësht të gjirit me moton  “Ta mbështesim gjidhënien së bashku”.

Me këtë edhe kanë nisur aktivitetet për të shënuar Javën e gjidhënies, e cila do të zgjasë deri më 7 tetor.

Fotografi Arben Llapashtica falënderoi nënat dhe baballarët që kanë qenë pjesë e ekspozitës. Ndërsa Merita Vuthaj, nga Ministria e Shëndetësisë, tha se gjidhënia është shumë e rëndësishme, prandaj edhe duhet të bëhet edhe më shumë sensibilizim. Ajo kërkoi më shumë sensibilizim në këtë drejtim, përcjell albinfo.ch.

Sipas Vuthajt, vetëm 40% e nënave ushqejnë fëmijët me gji. Brandao Co, shef i Zyrës së UNICEF-it në Kosovë, deklaroi se duhet të punohet edhe më shumë që çdo familje të kuptojë se gjidhënia  është jo vetëm në të mirë të fëmijëve, por edhe të nënave.