Kosova
“Vatra” kërkesë Kosovës, zbatoni ato që thotë SHBA-ja
Kryetari i Shoqatës shqiptaro-amerikane “Vatra”, Elmi Berisha në një intervistë për Zërin e Amerikës ka thënë se mbështet përpjekjet e Kosovës për të mbrojtur sovranitetin dhe integritetin e saj territorial.
Ai mes tjerash shton se çdo lëvizje e qeverisë në Prishtinë, duhet të jetë në bashkërendim të plotë me Shtetet e Bashkuara të Amerikës.
“Qeveria e Kosovës, kryeministri, presidentja, parlamenti dhe instuticionet në përgjithësi, duhet ta kenë të qartë se mendimet, qendrimet që vijnë nga Uashingtoni zyrtar duhet të respektohen në tërësi. Ua rikujtoj edhe shqiptaro-amerikanëve por edhe qytetarëve shqiptarë kudo që jetojnë në vendet e origjinës se nuk kemi asnjë mik më të mirë në botë sesa popullin amerikan dhe qeverinë amerikane. Prandaj ne nuk duhet të hedhim dyshime tek e ardhmja e Kosovës”, thotë ai, përcjellë albinfo.ch.
Sipas Berishës, duhet të nisë menjëherë zbatimin e kërkesave të Uashingtonit, duke përfshirë atë për themelimin e asociacionit të komunave me shumicë serbe.
“Asociacioni duhet të ndodhë, por asnjëherë që të drejtat e serbëve të vijnë në nivelin e vetqeverisjes, ose qeverisjes, apo të drejtës për kushtëzim apo destabilizim të shtetit të ri të Kosovës”, thotë veprimtari për Zërin e Amerikës.
Por, kreu i shoqatës “Vatra” thotë se presioni duhet të jetë mbi Beogradin e jo Prishtinën.
“Ndërkombëtarët nuk kanë qenë të drejtë dhe të barabartë gjatë dialogut midis Kosovës dhe Serbisë. Nuk jemi shumë të lumtur me emisarët që po vardisen në Beograd, Prishtinë, Bruksel dhe Departament të Shtetit. Ne mendojmë që agresori, bota e di se është Serbia dhe Beogradi zyrtar, në veçanti Vuçiçi dhe Daçiçi”, u shpreh Elmi Berisha.
Të tjera nga Kosova
E-Diaspora
-
Familja shqiptare në Diasporë që mbi njëzet vjet çojnë përpara një art, atë të këpucëtarit Një profesion në zhdukje e sipër, por jo edhe për familjen shqiptare në Itali, që sot...
-
Lukas Mandl fton shqiptarët në një tubim madhështor në Baden të Austrisë
-
Studentja e Kosovës punësohet në njërën nga shkollat më prestigjioze në SHBA
-
Konsullata e Kosovës në Cyrih: Konkurs për vend të lirë pune
-
Shqipja flitet më shumë në Cyrih, Winterthur, Bazel dhe St. Gallen
Jeta në Austri
-
Lukas Mandl fton shqiptarët në një tubim madhështor në Baden të Austrisë Eurodeputeti austriak, Lukas Mandl, është duke kërkuar mbështetje për të votuar që të rizgjidhet edhe një...
-
Si planifikon Austria të shkurtojë kohën që duhet për të marrë një leje pune?
-
Veturat e përdorura në Austri, të mbifaturuara
-
A janë më të shtrenjta për të huajt tarifat për universitetet austriake?
-
Edhe për sa kohë njerëzit do të mund të bëjnë ski në Austri gjatë verës?