“The Economist”: mashtrime të mëdha në Skënderaj

Një diplomat që shërbeu si vëzhgues në Skënderaj tha se mashtrimet ishin aq të dukshme saqë as nuk u bënë tentime për t’i fshehur

Gazeta prestigjioze britanike “The Economist” ka cituar diplomatë perëndimorë në Kosovë që kanë qenë dëshmitarë të mashtrimeve të mëdha në zgjedhje, në Skënderaj dhe në Drenas.

Një diplomat që shërbeu si vëzhgues në Skënderaj tha se mashtrimet ishin aq të dukshme saqë as nuk u bënë tentime për t’i fshehur. “Mashtrimi ishte i shkallës industriale”, tha ai.

Një tjetër diplomat tha:” Në një qendër votimi kishte 940 votues të regjistruar, por edhe 300 të tjerë si duket kishin votuar. Në Skënderaj nuk kishte numërim votash, por zierje votash”.

“Nëse të tjerët besojnë se zoti Thaçi e siguroi epërsinë e tij vetëm duke mbushur kutitë, kjo do ta bëjë shumë të vështirë krijimin e qeverisë së koalicionit”, shkruan The Economist, që parashikon problem dhe thotë se për momentin ka heshjte para stuhisë.

(indeksonline)