Statusi special në tavolinë, por ende konfidencial!

Duke e parë si të pamundur integrimin e veriut në institucionet e Kosovës, ndërkombëtarët si rrugëzgjidhje më adekuate po shohin dhënien e një statusi special për serbët në atë pjesë.

Burime të së përditshmës “Zëri” kanë thënë se vendet e BE-së, në koordinim edhe me të tjerët, tashmë kanë hapur këtë temë me zyrtarët e institucioneve të Kosovës.

Por derisa të gjendet një pajtueshmëri, kjo çështje mbetet bisedë konfidenciale.

“Me këtë propozim do të ruhen kufijtë e Kosovës dhe në të njëjtën kohë do të kënaqej Beogradi duke i dhënë komunave veriore një status të veçantë, një lloje autonomie”, ka thënë burimi i “Zërit”.

Për këtë çështje, sipas burimit të “Zëri”, është i njoftuar edhe Beogradi, prandaj ndërkombëtarët po presin reagimet e të dyja palëve që, varësisht prej tyre, të merren vendimi veprim se si të veprohet.