Sot ndahet çmimi Nobel për Letërsi, favorit Kadare

Ilustrim

Në mesin e kandidatëve kryesorë për çmimin Nobel, është edhe shkrimtari shqiptar, Ismail Kadare.

Saktësisht sot do të vendoset se kush e fiton çmimin Nobel në Letërsi këtë vit. Kandidatët kryesorë që janë përmendur për çmimin Nobel në këtë vit janë: shkrimtari shqiptar, Ismail Kadare, shkrimtarja polake, Olga Tokarczuk, shkrimtari kenian, Ngugi Wa Thiong’o, shkrimtarja amerikane, Joyce Carol Oates dhe shkrimtari japonez, Haruki Murakami, shkruan albinfo.ch.

Kujtojmë se Pas 70 vjetëve rresht në ndarjen e çmimeve për Nobel, vitin e kaluar për herë të parë në historinë e ndarjes së çmimeve është shtyrë për shkak të një skandali të ngacmimit seksual. Shtatë nga 18 anëtarët e Akademisë suedeze patën dhënë dorëheqje.

Komiteti i Nobelit, për dallim nga herat e tjera, këtë vit ka vendosur t’i ndajë dy çmime kryesore për letërsinë, atë për vitin 2018-të dhe për 2019-të.