Shqipëria me strategji kundër raportit të Martyt

Delegacioni i Shqipërisë në Këshillin e Evropës (KE) do të mblidhet sot për të diskutuar strategjinë që do të prezantohet në sesionin dimëror të KE, ku do të diskutohet raporti i Dick Marty.

Delegacioni do të miratojë strategjinë për të rrëzuar raportin e Martyt, për të cilin delegacioni shqiptar thotë se është i pabazë dhe synon të dëmtojë imazhin e Kosovës dhe Shqipërisë.

Raporti pritet të votohet më 25 janar në Asamblenë e Përgjithshme të Këshillit të Evropës, ndërsa deputetët e Kuvendit të Shqipërisë kanë mbledhur kundërfakte për raportin e Martyt.

Edhe kryeministri Sali Berisha do të ketë më 27 janar një seancë pyetje prej 60 minutash ku do të përballet me Dick Marty, raportin e të cilit e ka konsideruar shpifje të pabazuara në fakte.