Jeta në Austri

Shoqata “Dardania” në Knittelfeld/Austri, me kryesi dhe energji të re

Të përkushtuar për të vazhduar traditën e aktiviteteve shqiptare

Shoqata “Dardania” në Knittelfeld të Steiermarkut, në Austri, që prej tri dekadave njihet për organizimin e aktiviteteve të llojllojshme shqiptare.

Pas një pauze të gjatë për shkak të pandemisë, shoqata “Dardania” kthehet me energji të re për të vazhduar traditën e aktiviteteve shqiptare.

Më 19.11.2022 shoqata “Dardania” zgjodhi kryesinë e re. Me shumicë votash, kryetar i shoqatës u zgjodh Enver Tershani; nënkryetar, Shqipëron Sopa; për të vazhduar më tutje me Lumni Haziraj, sekretar dhe Pajtim Shurdhaj, arkëtar.

Kryetari Enver Tershani në një prononcim për albinfo.at premtoi se shoqata do të vazhdojë me aktivitete shqiptare në këtë pjesë të Austrisë. “Besoj se jemi kthyer me një energji pozitive dhe të motivuar për të vazhduar me aktivitete të shumta, qoftë ato humanitare, kulturo – artistike, gjuhësore, sportive e të tjera. Përveç aktiviteteve të tjera, ne do t’ i japim rëndësi edhe aktivitetit “Dita e Kulturës Shqiptare” që e organizojmë këtu në Knittelfeld. Po ashtu, do të sjellim edhe grupe muzikore, grupe valltaresh nga trevat shqiptare si dhe shumë aktivitete të tjera për të ruajtur motivin tonë kryesor, e që është se nuk dëshirojmë të jemi gjenerata e fundit që e quan vetën shqiptarë në Austri. E gjithë kjo mund të bëhet vetëm duke punuar dhe bashkëpunuar me njëri-tjetrin”, ka thënë kryetari i sapoemëruar, Enver Tershani.


LAJME INTERESANTE NGA INTERNETI