Sarajevë:Sulmuesi i Ambasadës së SHBA-së ishte plagosur dhe jo vrarë

(E plotësuar) – Personi që ka qëlluar me armë zjarri ndërtesën e Ambasadës Amerikane në Sarajevë, është plagosur dhe jo vrarë në aksionin e policisë, demantojnë lajmin mediet në Sarajevë.

Para se të goditej, sulmuesi ka plagosur një polic, i cili është dërguar në spital, por nuk është në rrezik jete.

Lajmin e ka konfirmuar zëdhënësi i Ministrisë së Brendshme për kantonin e Sarajevës, Irfan Nefiq.

Ai po ashtu bëri të ditur se është plagosur edhe një punonjës i ambasadës, çfarë është konfirmuar edhe nga spitali “Dr Abdullah Nakash”, ku i lënduari i është nënshtruar operacionit.Sipas informacioneve ende jozyrtare, të cilat i transmeton televizioni federal, sulmuesi është Mevlid Jashareviq nga Novi Pazari, i lindur në vitin 1988

Sarajevë:Vritet sulmuesi i ambsadës së SHBA-së

Sipas informacioneve ende jozyrtare, sulmuesi është qëlluar me plumb snajperi në kokë, njoftojnë mediet boshnjake.

Ambasada konfirmoi për Radion Evropa e Lirë se ka nododhur incidenti dhe se ambasada është mbyllur, ndërsa me informacione të tjera ka pohuar se do të dalë më vonë.

Komunikacioni dhe lëvizja e njerëzve në pjesën ku ndodhet ambasada, thuhet të jetë bllokuar tërësisht.

Një person i armatosur sulmoi të premten ambasadën amerikane në Sarajevë të Bosnjës. Mësohet se polica ka qenë, shumë shpejt, në vend të ngjarjes.Agjencia e lajmeve Reuters citoi një zyrtar anonim të ambasadës të ketë thënë se nuk është plagosur askush brenda ambasadës.Ambasada e Shteteve të Bashkuara është e vendosur në zonën universitare dhe komerciale në Sarajevë.