Për këtë vit janë ndarë 250 milionë euro për autostradë

Pjesa e parë e autostradës në gjatësi deri në 38 kilometra do të hapet në fund të tetorit, ka paralajmëruar kryeministri, Hashim Thaçi.

“Do të përmbyllet me 30 tetor, 38 km i parë nga Vërmica deri përtej Therandës. Pastaj do të vazhdohet menjëherë, me punimet në seksionin e pestë. Pra gjithçka është duke shkuar sipas planit”, ka deklaruar ai.

Kryeministri Thaçi ka bërë të ditur se për këtë vit janë ndarë 250 milionë euro për autostradë dhe se punët nuk do të ndërpriten.

“Që nga fundi i vitit të ardhshëm, do të udhëtohet pandërprerë nëpër autostradën e kombit nga Tirana për në Prishtinë”, ka deklaruar ai

Kryeministri kumtoi se janë duke punuar rreth 3700 punëtorë, rreth 2500 janë punëtorë lokal, kurse rreth 60 kompani vendore punojnë si nënkontrektor.

Bashkë me kryeministrin gjatë inspektimit të punimeve ishin edhe shefat e ”Bektel Enkas”. Majk Adams, i Bektel si dhe Sinan Tara nga Enka, i mbështetën pohimet e kryeministrit dhe thanë se ky projekt momentalisht është ndër më të mëdhatë në Evropë.