Një amerikan sulmon me mjet të mprehtë kalimtarët në Cyrih: Një i plagosur

Njëri nga dy të sulmuarit është dashur të operohet në spital, bën të ditur policia e qytetit

Në mëngjesin e së mërkurës kanë ndodhur disa sulme me një armë therëse në Cyrih, transmeton albinfo.ch. Një nga viktimat, një burrë, u desh t`i nënshtrohej një operacioni urgjent.

Një amerikan 38-vjeçar thuhet se ka sulmuar dhe plagosur dy burra në vende të ndryshme në qytetin e Cyrihut të mërkurën, shkruan sda.ch. Policia e qytetit arrestoi autorin e dyshuar pak pas orës 11:30 në Lagjen 4.

Ai kishte plagosur një 23-vjeçar me një armë therëse në pjesën e sipërme të trupit rreth orës 09:45 në Hardturmstrasse, në zonën e stacionit të tramvajit Fischerweg. I sulmuari është dashur të operohet në spital, bën të ditur policia e qytetit.

Pothuajse një orë më vonë policia mori një raport tjetër: një i panjohur ka sulmuar një 22-vjeçar në Schweizergasse pranë objektit Pestalozzi, duke e plagosur lehtë.

Pas hetimeve fillestare dhe përshkrimeve të marra të autorëve, policia nuk përjashton mundësinë që sulmuesi të jetë i njëjti, në të dyja rastet, përcjell albinfo.ch. Hetime të mëtejshme po kryhen tani nga zyra e prokurorit publik për krime të rënda të dhunshme dhe policia kantonale e Cyrihut.

---