Ngrihet padia ndaj sulmuesve të IBM

Në makinën e tyre ishte gjetur material shpërthyes si dhe letra e parapërgatitur për identifikimin e tyre!

Prokuroria Federale ka ngritur padi kundër planifikuesve të sulmit ndaj ndërtesës së IBM në Rüschlikon të Cyrihut. IBM është kompani botërore  ndër më të njohurat për nanoteknologjinë.

Padia e bërë, ka ardhur të premten e kaluar në Gjykatën Federale. Sipas saj, të dyshuarit akuzohen, mes tjerash, për veprime të dënueshme përgatitore të zjarrvënies.

Të paditur janë dy qytetarë italianë dhe një zviceran. Ata, në pranverë të vitit 2010 ishin ndaluar dhe kontrolluar nga policia zvicerane. Me atë rast në makinën e tyre ishte gjetur material shpërthyes si dhe letra e parapërgatitur përmes të cilës ata do të bënin identifikimin e tyre, pasi të behej zjarrvënia.

Të akuzuarit i takojnë organizatës anarkiste “Elf Switzerland Earth Liberation Front”.