Kthehen prapa kamionët që kishin hyrë në Serbi

Tri maune me mallra të Kosovës kanë kaluar në orët e hershme të mëngjesit të së hënën për në Serbi

Kthehen prapa kamionët që kishin hyrë në Serbi, ka konfirmuar për Radion Evropa e Lirë, Mimoza Kusari-Lila, ministre e tregtisë dhe Industrisë”Sapo u informuam se të njëjtit kamionë, të cilët mbrëmë kanë hyrë në territorin e Serbisë, janë kthyer prapa për në Kosovë. Ende nuk i kemi të sqaruara të gjitha detajet dhe arsyet e kthimit të këtyre komionëve”, tha Kusari -Lila,Ky lajm pason njoftimet e mëhershme se tre kamionë më çimento, kanë kaluar nga Kosova për në territorin e Republikës se Serbisë dhe janë dërguar në terminalin doganor në Preshevë.Njëri nga eksportuesit ishte edhe kompania e Çimentos në Han të Elezit, “Sharrcem”. Menaxheri i shitjes në këtë kompani, Naxhid Raka, për Radion Evropa e Lirë, ka konfirmuar kthimin e kamionëve. Ai pati deklaruar se eksporti ishte bërë me dokumente përcjellëse që mbajnë emblemën e UNMIK-ut.

09:37 Serbia e pranon mallin “Made in Kosova”

Kosova dhe Serbia duket se do të jenë më larg reciprocitetit pasi që autoritetet serbe kanë lejuar që kamionët me mallra Kosove të hynë në Serbi. Ministria e Tregtisë dhe Industrisë  dhe drejtori i doganave Naim Huruglica, e kanë konfirmuar këtë. “Ka lajme të mira, sepse kam marrë informacionet se kamionët e parë kanë kaluar sonte tek pika e Dheut të Bardhë”, ka thënë Huruglica.

Mallra “Made in Kosovo”, të shoqëruara me dokumentacione të rregullta të Republikës së Kosovës, janë lejuar të kalojnë në pikëkalimin kufitar në Dheun e Bardhë, në Kamenicë, dhe të shiten në tregun e Serbisë.

Kjo shënon edhe ditën e parë, pas 44 muajve bllokade, të lejimit të mallrave të prodhuara në Kosovë të dalin në tregun e Serbisë. “Tri maune me mallra të Kosovës, kanë kaluar sot në orët e hershme të mëngjesit për në Serbi në pikëkalimin kufitar në Dheun e Bardhë, në Kamenicë.

Mallrat kanë qenë të shoqëruara me dokumentacione të rregullta të Republikës së Kosovës”, ka konfirmuar të hënën zëdhënësi i Doganave të Kosovës, Adriatik Stavileci, për Kohën Ditore.

Ai ka thënë se do të pritet edhe gjatë të martës të shihet nëse Beogradi e ka seriozisht, ose përndryshe mund të kthehet vendimi politik për reciprocitet me Serbinë.