Lajme
KE: Austria ka dështuar në luftën kundër korrupsionit
Austria nuk ka bërë progres të mjaftueshëm në luftën kundër korrupsionit, sipas raportit të ri të Këshillit të Europës.
Sipas GRECO, Austria ka dështuar në implementimin e rekomandimeve për të luftuar shkeljet në fushën e politikës dhe atë të gjyqësorit.
Katër vjet më parë organi i KE-së publikoi disa rekomandime për vendet anëtare të Bashkimit Europian për të parandaluar korrupsionin në mesin e anëtarëve të Parlamentit, gjyqtarëve dhe prokurorëve.
“Por Austria ka implementuar në mënyrë të kënaqshme vetëm dy prej 19 rekomandimeve të bëra në vitin 2017”, tha GRECO gjatë së hënës, transmeton Euronews, përcjell Albinfo.ch.
Pas zgjedhjeve parlamentare më 2019, Austrisë iu kërkuar “të trajtojë me seriozitet” korrupsionin në radhët e politikës, duke themeluar një kod sjelljeje mbi konfliktin e interesit dhe deklarimin e aseteve.
Por raporti i ri thotë se “niveli i ulët i pajtueshmërisë” i Austrisë kundrejt rekomandimeve “nuk ka ndryshuar”.
Për sa u përket gjykatësve dhe prokurorëve, GRECO shprehu shqetësim se “një numër i konsiderueshëm masash” të parashikuara që në vitin 2018 “nuk janë finalizuar ende”.
Rezultatet e këtij raporti vijnë vetëm dy javë pasi autoritet bastisën shtëpinë e ministrit të Financave, Gernot Blumel.
Gjykata dyshon se Blumel, aleat i ngushtë i kancelarit Sebastian Kurz, është i përfshirë në financimet sekrete të partisë konservatore nga kompania globale e lojërave të fatit Novomatic, por ministri i ka hedhur poshtë të gjitha akuzat.
Kurz i ka ardhur në mbrojtje ministrit të Financave, duke akuzuar nga ana tjetër prokurorët se janë duke politizuar procesin gjyqësor.
GRECO – ku bëjnë pjesë 47 vendet anëtare të Këshillit të Europës, si dhe Bjellorusia, Kazakistani dhe Shtetet e Bashkuara – është shprehur se Austria renditet pas Turqisë dhe pak më lart se Serbia, për sa i përket implementimit të rekomandimeve kundër korrupsionit.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Avokati kërkon lirimin e menjëhershëm të shqiptarit të akuzuar për vrasje të dyfishtë
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
Jeta në Austri
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë Lëvizja në një vend të ri mund të jetë sfiduese, por stresi i gjetjes së kujdesit...
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl