Kataneci dëbohet nga Emiratet e Bashkuara Arabe

Ish seleksionuesi i Kombëtares maqedonase në futboll, slloveni Sreçko Katanec, ka humbur postin e tij si seleskionues i Emirateve të Bashkuara Arabe. Ai është larguar nga ky post pas humbjes që ekipi i tij pësoi në ndeshjen kualifikuese për Kampionatin Botëror 2014, kundër Kombëtares së Libanit me rezultat 1:3.

Pas largimit nga posti i seleksionuesit të Maqedonisë, në qershor të vitit 2009, slloveni 48-vjeçar e mori timonin e Emirateve të Bashkuara Arabe, ndërsa paraprakisht ishte edhe seleksionues i Sllovenisë. Të përkujtojmë se Kataneci në futbollin maqedonas kishte krijuar dëshpërim në mesin e futbolldashësve shqiptarë në Maqedoni duke i injoruar në masë të madhe futbollistët shqiptarë.