Shkurt.ch

I hiqet imuniteti ambasadorit që ka vozitur i dehur

“Për mua është e vetëkuptueshme se do t`i hiqet imuniteti diplomatik”, ka sqaruar ministri Burkhalter për emisionin 10 vor 10” të të martës

E mërkurë, 5 Qershor 2013 - 8:25 albinfo.ch
Ambasadorit të Zvicrës në selinë e OECD-së në Paris, Stefan Flückiger, i cili duke ngarë veturën me shpejtësi të tejkaluar është  implikuar në një incident të rëndë me policinë, do t`i merret imuniteti diplomatik. Kështu ka deklaruar shefi i tij, ministri zviceran i punëve të jashtme Didier Burkhalter.
 
“Për mua është e vetëkuptueshme se do t`i hiqet imuniteti”, ka sqaruar Burkhalter për emisionin 10 vor 10” të të martës. Mirëpo, ka vazhduar ai, është ende tepër herët që të thuhet çkadoqoftë për karrierën e tij të mëtejshme diplomatike. Ai deri më tash ka treguar një punë shumë të mirë, ka thënë më tutje Burkhalter. Ai me këtë rast e ka përshkruar si “shumë të vështirë” situatën pas incidentit në Paris.

Mercedesi me tabela diplomatike, të cilin e ngiste vetë ambsadori Stefan Flückiger i kishte rënë në sy policisë. Ajo kishte dashur ta ndalonte por shoferi përveç që nuk e kishte respektuar urdhrin për ndalesë, kishte qenë afër që të shkelte njërin nga policët. Pas kësaj policia kishte reaguar duke shtënë me armë drejt veturës , duke ia shpërthyer gomat. Por, diplomati nuk ishte ndalur as tash dhe kishte filluar të ngiste makinën në anën e kundërt të rrugës, duke shkaktuar rrezik për pjesëmarrësit tjerë në trafik. Së fundi atë arritën ta kapin policër. Testi i alkoolit që iu bë doli pozitiv.

Diplomati nuk i kishte dokumentet me vete kështu që identitetin e tij u desh ta dëshmonte ambasada. Menjëherë pas kësaj ai u lirua nga policia, falë imunitetit diplomatik.

 Të tjera nga Shkurt.ch

Shumë nxehtë për të punuar ose për të fjetur: Cilat janë të drejtat tuaja në Zvicër

 E-Diaspora

 Jeta në Austri