Hapet rruga për bashkimin e “dy Bazelëve”

Për iniciativat përkatëse janë mbledhur 3621 nënshkrime në Basel-Stadt dhe 4171 në Basel-Landschaft. Minimumi i nevojshëm në Basel-Stadt është 3000 ndërsa në Basel-Landschaft, 1500 nënshkrime.

Është bërë hapi i parë i bashkimit të gjysmëkantoneve Basel-Stadt (Qyteti Bazel) dhe Basel-Landschaft (Regjioni i Bazelit) në një kanton të vetëm. Dy iniciativat për fuzionim “ein Basel” (Një Bazel) kanë plotësuar kriteret për t`u nxjerrë në votim në të dy entitetet me qëllim krijimin e një kantoni të plotë, të përbashkët.

Për iniciativat përkatëse janë mbledhur 3621 nënshkrime në Basel-Stadt dhe 4171 në Basel-Landschaft. Me këtë është tejkaluar shumë minimumi i nevojshëm për organizimin e votimit, i cili në Basel-Stadt është 3000 ndërsa në Basel-Landschaft, 1500 nënshkrime.

Një iniciativë e tillë, e provuar 43 vjet më parë, pati dështuar.

Rezultatet e mbledhjes së nënshkrimeve i kanë prezantuar iniciuesit nëe Binningen, në afërsi të kufirit në mes të dy gjysmëkantoneve. Pastaj ata kanë shkuar në kryeqytetet përkatëse, në Bazel dhe në Liestal për t`ua dorëzuar institucioneve përgjegjëse.