Sport
Franca me probleme, lajm i mirë për Shqipërinë
Veç tjerash në Kampionatin Evropian nuk do të marrë pjesë Karim Benzema për shkak të skandalit me Valbuenan dhe kjo sigurisht ka gëzuar rivalët e Grupit A
Përfaqësuesja e Francës po ka probleme me lojtarët e saj dhe ky lajm i përshtatet shumë Shqipërisë, por edhe Zvicrës dhe Rumanisë, që ndodhen në Grupin A në Kampionatin Evropian, që do të zhvillohet pikërisht në Francë.
Mbrojtësi francez i Liverpoolit, Mamadou Sakho është suspenduar nga UEFA për një muaj, derisa të përfundojnë hetimet për doping dhe nuk pritet të jetë në Kampionatin Evropian.
Problemet duket se nuk kanë fund edhe për Mathieu Valbuena. Mesfushori i Lyon-it, pas përjashtimit të Karim Benzema nga Evropiani, është në tension të madh për shkak të presionit të shumë tifozëve që e cilësojnë atë si fajtorin kryesor për mungesën e sulmuesit të Realit të Madridit në Evropian.
Ky tension u duk edhe javën e kaluar në aeroportin e Toulouse. Sipas asaj që publikohet te “France Football”, Valbuena sulmoi një person teksa ky ishte duke e filmuar me telefonin e tij, ndërsa futbollisti kalonte në aeroport së bashku me pjesën tjetër të skuadrës. Sipas versionit të këtij personi që e denoncoi Valbuenën, ky i fundit shkoi në drejtim të tij për ta fyer duke tentuar ta godasë. Më pas i mori telefonin dhe ia shkatërroi duke e hedhur me forcë në tokë.
Siç dihet në Kampionatin Evropian nuk do të marrë pjesë Karim Benzema për shkak të skandalit me Valbuenan dhe kjo sigurisht ka gëzuar rivalët e Grupit A.
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?