FormBrand nga Prishtina nderohet me çmim ndërkombëtar në IDA Awards

FormBrand, një kompani e re dhe dinamike nga Prishtina, ka arritur një sukses  në skenën ndërkombëtare të dizajnit. Në edicionin e fundit të International Design Awards (IDA), ata u vlerësuan me një “Honorable Mention” për projektin e tyre “Rrugë Fest”.

“Rrugë Fest” është një festival që feston kreativitetin dhe kulturën urbane në Pejë, dhe FormBrand ka krijuar identitetin vizual që pasqyron në mënyrë të përkryer energjinë dhe shpirtin e këtij eventi. Dizajni i tyre përfshin tipografi të lëvizshme dhe ngjyra të guximshme, duke krijuar një estetikë tërheqëse dhe moderne që përkon me audiencën e festivalit.

Ekipi krijues i FormBrand, i përbërë nga dizajneri Arbër Racaj, Leart Hajrullahu, Enes Sermaxhaj dhe Rreze Guri, ka nëdemonstruar një nivel të lartë profesionalizmi dhe inovacioni në këtë projekt. Ky çmim është një dëshmi e përkushtimit të tyre për të sjellë standarde të larta të dizajnit në Kosovë dhe më gjerë.

International Design Awards (IDA) është një nga platformat më prestigjioze që njeh dhe promovon talentet më të mira në fushat e arkitekturës, dizajnit të brendshëm, produktit, modës dhe grafikës. Përfshirja e FormBrand në mesin e fituesve të këtij viti është një arritje e madhe dhe një hap i rëndësishëm për industrinë kreative në Kosovë.

Ky sukses i FormBrand jo vetëm që pasqyron potencialin e madh të dizajnerëve kosovarë, por gjithashtu shërben si një frymëzim për të gjithë komunitetin kreativ në rajon. Me projekte si “Rrugë Fest”, ata po vendosin standarde të reja dhe po tregojnë se kreativiteti dhe inovacioni nuk njohin kufij.