Lajme
Diplomati rus, kritik i Putinit, në mbrojtje 24 orëshe të policisë zvicerane
Boris Bondarev, i cili ka dhënë dorëheqjen nga posti në Gjenevë, nuk mund të kthehet më në atdheun e tij. Shanset e tij për të marrë azil në Zvicër janë të mira

Diplomati i lartë rus, Boris Bondarev, e ka cilësuar publikisht sulmin rus në Ukrainë si një luftë dhe ka folur kundër Vladimir Putinit, transmeton albinfo.ch. Për këtë deklarim ai mund të humbasë lirinë apo edhe jetën, nëse do të kthehej në Rusi.
41-vjeçari ka përfaqësuar më parë vendin e tij si diplomat për shumë vjet, së fundmi në Kombet e Bashkuara, në Gjenevë.
Ai dha dorëheqjen nga posti i tij të hënën, në shenjë proteste për luftën në Ukrainë. “Më vjen turp. Lufta kundër Ukrainës është krim”, është shprehur ai. Për shkak se ai është deklaruar publikisht, në LinkedIn dhe Facebook, rasti i tij ka tërhequr vëmendjen në mbarë botën. Kjo është arsyeja pse ai nuk mund të kthehet në Rusi.
Në një intervistë, ai është shprehur se e dinte që ajo që thoshte, në vendin e tij do të konsiderohej krim.
Mbrojtje policore për dy muaj
Në Gjenevë, Bondarev tani mbrohet 24 orë në ditë nga pjesëtarët e policisë zvicerane.
Sipas “Tages-Anzeiger”, në raste të tilla janë përfshirë Shërbimi Federal i Sigurisë dhe Policia Kantonale. Shërbimi Federal i Sigurisë, që është një agjenci në kuadër të Fedpol (Policia Federale), është përgjegjës për garantimin e sigurisë së anëtarëve të Këshillit Federal dhe zyrtarëve të tjerë, transmeton albinfo.ch. Por ky shërbim është gjithashtu përgjegjës për mbrojtjen e diplomatëve të huaj.
Edhe pse Bondarev tani do të humbasë statusin e tij diplomatik, Zvicra do të vazhdojë ta mbrojë atë, i është përgjigj Fedpol pyetjes së gazetës. Duke llogaritur kohën pas kryerjes së aktit (deklarimit), do të jepet një periudhë kortezie e mbrojtjes prej rreth dy muajsh.
Shanse të mira për azil
Gjasat që Zvicra ta pranojë Bondarev-in si azilkërkues janë të mira. Njerëz të ekspozuar politikisht kanë marrë vazhdimisht azil vitet e fundit, shkruan “Tages-Anzeiger”.
Në Zvicër, për shembull, një gazetar i kërcënuar i televizionit rus është regjistruar si azilkërkues në vitin 2020, përcjell albinfo.ch. Zyrtarët e lartë të ambasadës turke që kërkuan azil në Zvicër pas grushtit të shtetit të vitit 2017 në Turqi kanë marrë gjithashtu azilin.
Të ngjashme
Të tjera nga Lajme
E-Diaspora
-
Operacion ndërkombëtar antidrogë në Itali, mes të arrestuarve edhe një shqiptarë Një operacion ndërkombëtar antidrogë ka vënë në pranga 11 persona. 10 të përfshirë në trafikun e...
-
Udhëtimi në Kosovë i hap sytë politikanit të SVP-së: “Kemi paragjykuar”
-
Alban Ajdini punoi këpucë që mund të lidhen vetëm me një gisht
-
Nga Britania kthehen 47 shqiptarë që po qëndronin ilegalisht
-
Ambasada e Shqipërisë përkrahë iniciativën e studentëve shqiptarë në Zvicër
Jeta në Austri
-
Popullsia e huaj në Austri po rritet, por ku jetojnë ata? Popullsia e huaj e Austrisë po rritet, me më shumë se 20 për qind të banorëve...
-
Dështojnë negociatat e ekstremit të djathtë për koalicion në Austri
-
Rritet korrupsioni edhe në Austri
-
Gjithnjë e më shumë të diplomuar në Austri janë të papunë, tregojnë shifrat e reja
-
Austri: A priten shkurtime të mëdha të përfitimeve sociale nën qeverinë e re?