Deshi ta vriste zviceranin dhe pastaj ta hante!

Policët që kanë marrë pjesë në aksion kanë gjetur në çantën e dorasit tableta për narkotizim, një sharrë eshtrash si dhe biber të zi (!)

Një ngjarje bizare ka ndodhur këto ditë në një fshat të Sllovakisë. Një zviceran ka shpëtuar për një fije floku nga vdekja dhe nga shndërrimi në ushqim për sllovakun 43 vjeçar, me prirje kanibaliste. Zvicerani, i prezantuar si njeri që dëshironte t`ia merrte jetën vetes, kishte hyrë në kontakt me sllovakun përmes internetit dhe ishin marrë vesh që të shkonte te ai, për t`iu nënshtruar orgjisë së tij njeringrënëse. Kështu, kanibali, sipas marrëveshjes së bërë, do ta narkotizonte, mbyste me therje në zemër, copëtonte dhe në fund do ta hante “mikun” e tij nga Zvicra. Por, pak para takimit, “viktima” zvicerane ishte penduar dhe e ka njoftuar policinë në Zvicër, e cila pastaj ka informuar policët sllovakë. Kështu, policia dërgoi te kanibali një agjent të vetin ndërsa rreth vendit ku ishte caktuar takimi kishte dërguar policë snajperistë. Mirëpo, kur policia provon ta arrestojë, kanibali fillon të shtënat me armë, me ç`rast  plagos rëndë një polic. Policët tjerë  me të shtëna armësh e plagosin dhe e neutralizojnë atë. Policët që kanë marrë pjesë në aksion kanë gjetur në çantën e dorasit  tableta për narkotizim, një sharrë eshtrash si dhe biber të zi (!)