Bernën, në dhomën e kantoneve e përfaqëson Amstutz i SVP-së

Në zgjedhjet që janë mbajtur sot, për përfaqësuesin e Kantonit të Bernës në Dhomën e Ulët të Parlamentit Nacional (dhoma e kantoneve) , ka fituar kandidati i SVP-së, Adrian Amstutz.

Me 163`537 vota të fituara, Amstutz ka arritur një fitore të ngushtë ndaj  kandidates së SP-së, Ursula Wyss, e cila ka arritur të mbledhë 159`900 vota.

Pjesëmarrja e qytetarëve me të drejtë vote në këto zgjedhje ka qenë 46 për qind.

Sikurse edhe herët tjera, votat nga regjionet rurale kanë qenë përcaktuese për fitoren e kandidatit të SVP-së. Ndryshe nga ai, Wyss ka fituar më shumë vota në vendbanimet qytetare dhe në regjiionin Jura të Bernës, që banohet me shumicë nga popullata frankofone.

Zgjedhjet për Dhomën e kantoneve janë bërë të nevojshme me zgjedhjen, vitin e kaluar, të Simonetta Sommaruga-s në Qeverinë Federale. Meqë Sommaruga vjen nga ky kanton,  Bernës i kishte mbetur një vend i zbrazët deputeti në dhomën e përmendur. 

Vendin tjetër për Bernën në këtë dhomë e mban deputeti nga BDP, partia e re, e dalë më parë nga SVP.