Beogradi nuk heqë dorë nga strukturat paralele në veri

"Nuk do t'i mbyllim ato, pasi kjo do të thoshte heqje dorë nga dëshira jonë për ta mbajtur Kosovën në Serbi", ka deklaruar Bogdanoviq

Beogradi zyrtar nuk do të heqë dorë nga strukturat paralele serbe në veri, ka deklaruar ministri për Kosovën në Qeverinë e Serbisë, Goran Bogdanoviq duke e hedhur poshtë si të papranueshme kërkesat për shpërbërjen e këtyre strukturave.

“Institucionet e Serbisë janë të domosdoshme për komunitetin serb në Kosovë dhe ne as nuk do të heqim dorë nga këto institucione, as nuk do t’i mbyllim ato, pasi kjo do të thoshte heqje dorë nga dëshira jonë për ta mbajtur Kosovën në Serbi”, ka deklaruar Bogdanoviq.

Kancelarja gjermane, Angela Merkel, gjatë vizitës së saj në Beograd, i ka thënë presidentit serb, Boris Tadiq, se Serbia duhet t’i përmirësojë marrëdhëniet me Kosovën dhe t’i shpërbëjë strukturat e saj paralele në pjesën veriore, nëse dëshiron të bëhet shtet kandidat për anëtarësim në BE.