Lajme
BE: Shqipëria e para në Evropë për prodhimin e kanabisit
Bashkimi Evropian ka publikuar raportin për vitin 2016, për prodhimin dhe trafikimin e lëndëve narkotike. Shqipëria është e para për kanabis, ndërsa Holanda e Çekia mbesin pas
Shqipëria vazhdon të jetë vendi i parë në Evropë për prodhimin e kanabisit dhe shitjen e tij në tregjet e paligjshme evropiane. Kështu ka deklaruar komisioneri për Çështjet e Brendshme në BE, Dimitris Avramopulos, në raportin e vitit 2016, për prodhimin dhe trafikimin e lëndëve narkotike.
Edhe pse në dy vitet e fundit qeveria shqiptare ka ashpërsuar luftën kundër drogës, sërish Shqipëria mbetet “macja e zezë” e rajonit dhe e Evropës për kultivimin e kanabis-sattivës. Raporti sjell në vëmendje ndërhyrjen e Policisë së Shtetit në fshatin Lazarat të qarkut të Gjirokastrës në Jug të Shqipërisë, raporton NOA.
Menjëherë pas Shqipërisë, vjen Holanda, ku siç vëren raporti i BE, ky mall shpërndahet, duke shkelur shumë herë edhe ligjet për konsumin e tij. Edhe Çekia zë një pjesë të rëndësishme të këtij tregu së bashku me Marokun, Spanjën dhe Afganistanin.
Sipas raportit, kultivimi dhe trafikimi i drogës, është i vetmi aktivitet i paligjshëm që sjell përfitime për krimin e organizuar, duke shtuar edhe terrorizmin dhe trafikimin e qenieve njerëzore në to. Sipas raportit të BE-së, ky aktivitet i shitjes dhe prodhimit të drogës sjell rreth 30 miliard euro përfitime për grupet kriminale.
Sipas këtij raporti, 38 për qind të tregut të drogës e zënë bimët narkotike, pra kanabisi që gjeneron 9.3 miliardë euro çdo vit fitime për trafikantët dhe prodhuesit. Heroina, që rrjedh prej opiumit, vjen nga vendet e Kaukazit përmes Turqisë, Shqipërisë dhe vendeve të Ballkanit Perëndimor.
Sa i përket vendit të tretë, atë e zë kokaina, e cila ka 24 për qind të tregut me 5.7 miliardë euro çdo vit. Më pas vijnë afetamina dhe metamfetamina me 8 për qind dhe 1.8 miliardë euro në vit. Pas tyre renditet ekstazi me 2 për qind dhe disa substanca të tjera psikoaktive, transmeton Albinfo.Ch.
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?