Bankat kantonale shkëmbejnë dokumentet në “Offshore Leaks”

"SonntagsZeitung" ka bërë publike transaksione konkrete të „oazës tatimore“

“SonntagsZeitung” ka publikuar dokumentet që kanë të bëjnë me „oazën fiskale“ në lidhje me rastin “Offshore Leaks” ku përmendet disa nga bankat kantonale të Zvicrës.

 “SonntagsZeitung” ka bërë publike transaksione konkrete të „oazës tatimore“.

 Në një rast, për shembull, një biznesmen në fazat të ndryshme ka paguar njëherë 500.000, pastaj 740.000 dollarë dhe 1.7 milion dollarë nga Zelanda e Re nga një kompani “Offshore Leaks” në një bankë kantonale të Zvicrës.

Njëra nga bankat ka dyshime rreth vërtetësisë së dokumenteve, shkruan “SonntagsZeitung“.

Mediat nga 46 vende të botës kanë publikuar të  enjten  lajmet  në lidhje me operacionet e fshehta të kompanive të ashtuquajtura „Offshore“.

“SonntagsZeitung” ka bërë publike se në Zvicër rreth 300 njerëz dhe 70 kompani janë të prekur nga ky skandal. Për disa javë, gazeta zvicerane “Le Matin“ ka analizuar së bashku me një rrjet të gazetarëve nga e tërë bota fenomenin „Offshore-Leaks“ duke hulumtuar  rreth 2.5 milion dokumente të llogarive bankare, e-maile, fakse dhe kopjet e pasaportave.

“Offshore Leaks“ mund të shihen nga këndvështrimi pozitiv në Zvicër thotë të paktën një prej kritikëve të sistemin financiar zviceran.

Hans Eichel, ministër i financave nga SPD në vitet 1999-2005, në një intervistë për  “SonntagsZeitung „ thotë  se Zvicra qëndron mirë sa i përket shpëlarjes së parave dhe parave të “zeza” me standardet ndërkombëtare.

Duket se mediat kanë publikuar të dhënat sekrete në mbarë botën të 130.000 njerëzve nga 170 vende që i fshehin paratë e tyre në „oazat tatimore“,  për shkak se fokusi është përqendruar në  vendet e tjera që janë shumë më të prekura.  Kjo i referohet më shumë Singaporit, SHBA-ve dhe Britanisë së Madhe, thotë Eichel.