Aurela Gaçe kërkon votën e kosovarëve për “Eurosong”

Gaçe kishte ardhur në Prishtinë për të kërkuar votën e kosovarëve

Këngëtarja shqiptare, e cila do të përfaqësoj Shqipërinë në “Eurosong”, Aurela Gaçe, ka promovuar në Prishtinë këngën “Feel The Passion”, me të cilën do të marr pjesë në këtë festival të muzikës.

Ajo është shprehur e lumtur që do të paraqitet në “Eurosong”me një këngë me motive shqiptare.

Këngëtarja nga Shqipëria do të përcillet në skenën e këtij evenimenti nga tre vokalist dhe një kitarist.

Gaçe kishte ardhur në Prishtinë për të kërkuar votën e kosovarëve duke qenë e bindur se edhe ata do të mund të votojnë.

Atë po e shoqëronte në Prishtinë edhe zëvendësdrejtori i përgjithshëm i RTSH-së, Martin Leka, i cili u shpreh optimist për një paraqitje dinjitoze të përfaqësueses së Shqipërisë.

Aurela Gaçe do të prezantohet në Festivalin “Eurosong 2011” me këngën “Feel The Passion”, i cili do të mbahet muajin e ardhshëm në Dyseldorf të Gjermanisë.