ATK-ja premton marrjen e numërit fiskal brenda ditës

Bizneset tash kanë mundësi që të pajisen me numër fiskal brenda ditës, e jo siç ishte deri më tash, kur për të është pritur më shumë se një javë, ka premtuar drejtori i përgjithshëm  i  Administratës Tatimore të Kosovës, Behxhet Haliti.

Ai ka vizituar zyrat regjionale të ATK-së të regjionin të Gjakovës, Prizrenit dhe Ferizajt.

Në këto takime Haliti ka folur për të arriturat dhe sfidat në gjashtëmujorin e parë dhe ka kërkuar angazhim të vazhdueshëm të zyrave regjionale me qëllim të ofrimit të shërbimeve kualitative për tatimpaguesit dhe përmbushjes së objektivave të parashikuara.

Haliti, ka porositur zyrtarët e ATK-së që të kenë parasysh se efikasiteti dhe angazhimi i pandërprerë janë  mënyrat e vetme të cilat  kontribuojnë  drejtpërdrejt në ndërtimin e shtetit  dhe njëherësh  në ngritjen e  standardeve jetësore të popullit të Kosovës.