Ardiani: Problem me Ninën dhe Nicole!

Në Gjermani është duke u përfolur shumë për spektaklin e madh “Gjermania kërkon super yllin”, i cili u mbajt të shtunën e kaluar. Në mesin e kandidatëve të cilët e kaluan barrierën e parë, është edhe kosovari që thyen zemrat, Ardian Bujupi.

Duket se debutimi i tij nuk ishte edhe aq me fat. Përderisa Ardiani ishte duke u ngjitur në skenë, ai i acarroi marrëdhëniet me dy konkurrentet e tij Nina dhe Nicole. Ato e kishin akuzuar Ardianin se ai është person i cili nuk respekton njeri, pasi sipas tyre, ai i kishte ngacmuar me fjalë. “Pse po i ngacmon vajzat e reja”?, e kishte pyetur moderatori Marco Schreyl pas përfundimit të shout. Ai vetëm pohon:

“Ishte një mosmarrëveshje e vogël”. Ndërsa pop-ylli gjerman Bohlen e ka paralajmëruar: „Po të vazhdosh në këtë mënyrë, të garantoj se asnjëherë nuk do të fitosh këtu”. Ardiani menjëherë iu kishte kërkuar falje kolegeve të tij në mënyrë publike për qëndrimin e tij.

Por, nuk dihet se sa do të zgjasë kjo paqe. Ndryshe, shou “DSDS” është bërë një eveniment i vërtetë dhe ndiqet nga miliona shikues gjermanofonë.