Ademovitët edhe më tej në rrugë

Familja Ademaj vazhdon të preokupojë opinionin zviceran. Në të përditshmen zvicerane “20 Minuten”, thuhet se kjo familje së shpejti do të mund të kthehet përsëri në Bürglen (TG).

Ata në dispozicion tashmë kanë një listë të banesave të lira. “Njëri është në burg, ndërsa katër të tjerë gjenden në rrugë”, ka shkruar Murtez Ademaj në një e-mail të ditës së shtunë.

Familja Ademaj, shtëpia e të cilëve u pastrua me dhunë, pas shumë gjërave të ndodhura, për momentin nuk ka vendbanim të caktuar. “Pasi ata nuk kanë shumë të njohur këtu, bashkëshortja e Ademajt dhe fëmijët për momentin janë duke banuar në Winterthur te të afërmit e tyre. Murtez Ademaj edhe më tej gjendet në klinikën psikiatrike në Münsterlingen. Se sa gjatë do të qëndrojë atje, për këtë vendosin mjekët. Inventari i familjes, sipas qiradhënësit të shtëpisë, është hedhur në mbeturina.

Në qytezën e Bürglen-it momentalisht është kthyer qetësia. Por, kjo së shpejti mund të jetë një e kaluar, pasi sipas një të afërmi të familjes, Ademovitët mund të kthehen përsëri. “Ata me çdo kusht dëshirojnë të banojnë në Bürglen”, ka thënë personi në fjalë.

Se kur dhe nëse do të kthehet familja Ademaj, mbetet çështje e hapur. “Pasi ata u larguan nga banesa, ne u ofruam një listë të banesave të lira në Bürglen dhe rajon. Por, në kërkim të banesës, ne nuk do të ndihmojmë”, ka deklaruar kryetari i komunës, Armin Eugster.