Tematike
SRF: A po kontrabandon Serbia qëllimisht emigrantë në Evropë?
Serbia ka hequr detyrimin për viza për pesë vende, si Tunizia dhe India, prej nga dhe vijnë shumica e emigrantëve

Deri në 1,000 emigrantë në javë po udhëtojnë aktualisht nga Austria në Zvicër, ku kalojnë vetëm tranzit dhe më pas vazhdojnë menjëherë drejt Francës. Për krahasim: dimrin e kaluar ishte rreth 300 në javë, transmeton albinfo.ch. Arsyeja e rritjes së konsiderueshme duhet të gjendet në Serbi.
Vendi ballkanik ka hequr detyrimin për viza për pesë vende. Midis tyre janë, për shembull, Tunizia dhe India, prej nga dhe vijnë shumica e emigrantëve të përmendur, që shfrytëzojnë “rrugën ballkanike”.
Shumë emigrantë tani po përdorin kryeqytetin serb si një pikë tranziti për të udhëtuar drejt BE-së. Florian Bieber, një ekspert për Evropën Juglindore, flet për srf.ch lidhur me motivet e mundshme të Beogradit.
SRF News: A u ka hequr Serbia kërkesat për viza disa vendeve me qëllime të fshehta?
Florian Bieber: Nuk mendoj se Serbia po përpiqet të kontrabandojë refugjatë në BE. Por kjo ka të bëjë me faktin se Serbia ka gjithmonë politikën e saj të jashtme të veçantë dhe gjithashtu përpiqet të mbajë marrëdhënie të mira dypalëshe me vende të ndryshme. Sidomos për faktin se këto vende mbështesin qëndrimin serb për Kosovën. Krijimi i aleancave ndërkombëtare këtu është prioriteti më i rëndësishëm për Serbinë. Pjesë e kësaj mund të jetë heqja e regjimit të vizave për disa vende.
Vuçiq është një mjeshtër në organizimin e krizave që ai mund t’i zgjidhë pastaj vetë. Një vit më parë, për shembull, pati një rast kur shumë iranianë donin të hynin në BE nëpërmjet Serbisë, përcjell albinfo.ch. Në atë kohë, BE-ja bëri presion dhe Serbia rivendosi detyrimin për viza për Iranin. E gjithë kjo mund të jetë një përpjekje për të shpërqendruar BE-në nga çështje të tjera që tensionojnë marrëdhëniet e ndërsjella.
E-Diaspora
-
Nëntë kompani të IT-së nga Kosova, në panairin “DMEXCO 2023” në Gjermani Mësohet se Ministria e Industrisë, Ndërmarrësisë dhe Tregtisë (MINT), përkatësisht Agjencia për Investime dhe Përkrahjen e...
-
Cyrih: Inxhinieri shqiptar, emër suksesi në kompaninë e njohur “Terra Vermessungen” AG
-
WORKSHOP PËR PËRGATITJEN E PENSIONIT
-
Francë: Regjisorja dhe aktorja shqiptare që përmes filmave i jep zë Kosovës
-
Gramoz Krasniqi, me aftësi të kufizuara, yll në skenat gjermane
Jeta në Austri
-
Ndryshojnë tarifat për vinjetën e automjeteve në Austri Njerëzve që lëvizin nëpër rrugët në Austri u është dashur të blejnë një vinjetë me pagesë...
-
Tenori Ismet Vejseli nga Kumanova shpërblehet në Vjenë me çmimin “Silver Award”
-
Vjenë: “Wien Energie” ul çmimet e rrymës dhe gazit – oferta vlen vetëm edhe sot, më 20 shtator
-
Donis Avdijaj shënon dy gola në kampionatin austriak
-
Përse produktet shqiptare nuk gjenden në marketet austriake?