Kosova

Takim B2B mes diasporës dhe Kosovës, për më shumë mundësi biznesi

Takimi u zhvillua në Ferizaj, me mbështetjen financiare të Caritasit Zviceran përmes Projektit HOME

E shtunë, 8 Gusht 2026 - 22:00 albinfo.ch

Oda Ekonomike e Kosovës, në bashkëpunim me Komunën e Ferizajt dhe me mbështetjen financiare të Caritasit Zviceran përmes Projektit HOME, organizoi takimin “B2B Kosovë – Diasporë” për rajonin e Ferizajt.

Biznese vendore dhe përfaqësues të diasporës u bënë bashkë për të krijuar kontakte të reja, për të shkëmbyer përvoja dhe për të zhvilluar mundësi të reja bashkëpunimi.

Gjatë eventit u prezantua edhe platforma “B2B Matchmaker Kosovë – Diasporë”, e financuar nga Caritas Zvicra përmes Projektit HOME, e cila synon të lidhë më lehtë bizneset kosovare me diasporën dhe të krijojë ura të reja për partneritete e investime.