Pajtim Kasami kërkohet nga Bayern Leverkusen

Pas transferimit të Admir Mehmedit, shumë shpejt klubit të Bayern Leverkusenit  mund t’ i bashkohet edhe futbollisti tjetër shqiptar, Pajtim Kasami. Siç shkruajnë mediat gjermane, udhëheqësit e Leverkusenit janë të interesuar për një lojtar i cili do të mund ta zëvendësoj të lënduarin Charles Aranguiz, përcjell “albinfo.ch”.

Si zëvendësues ideal, ata duket se ia kanë vënë syrin futbollistit të kombëtares zvicerane i cili luan për Olimpiakos.

Sipas mediave gjermane,  edhe dëshira e Pajtimit është që të largohet nga klubi grek anipse ka kontratë më ta deri në vitin 2018.

Por, përveç Kasamit në listën e klubit gjerman janë edhe futbollistët Max Meyer (Schalke 04), Pierre-EmileHoejbjerg (Bayern Munich), dhe Gonzalo Castro (Dortmund).

Ndërkohë mësohet se për 23 vjeçarin me prejardhje nga Struga të interesuar janë edhe Interi dhe Fiorentina.